ازاى اكتب ايصال الامانة
شايفين ايصال الامانة اللي قدامكم
بصوا عليه كويس هاتلاقوا طرف اول وطرف تاني وتالت
الطرف الاول بيكون المستلم والتاني المسلم والطرف التالت المستفيد
اذا الثلاث أطراف دول ركن من أركان إيصال الأمانة
مثال
س إستلم من ص مبلغ من المال على سبيل الأمانة وتسليمها ل ع
لو س ماسلمش المبلغ يعتبر خائنا للأمانة
جميل لحد هنا
طيب مفاد المادة٣٤١ع شرطت ركن التسليم وقالت أنه لازم يكون هناك تبديد سواء لمبالغ او غيره ويعتبر خائن للأمانة كل من بدد مبالغ أو غيره
طيب هانستنبط حاجتين من المادة دي
أولا:انها إشترطت ركن التسليم
ثانيا:إن العقود المدرجة في هذه المادة جاءت على سبيل الحصر زي الرهن والوديعة وعارية الإستعمال أو القيام بأي عمل مادي
تمام لحد هنا
بصوا بقا في اللي جاي
يحبذ ان المستلم يكتب صلب الإيصال بنفسه وبخط ايده
ده بجانب توقيعه في آن واحد
طيب لو ما حصلش ده !
هنا يفقد حجيته القانونية
فيه ناس بتحتفظ بالقلم اللي وقع بيه المستلم ويروح بعدها بفترة زمنية يملى الإيصال ده غير موجود😂
وبدل ماهاتكون مدعي بحق مدني هياخد براءة بنسبة كبيرة وممكن الايصال ده تبله وتشرب مايته ويقلبك متهم
خدوا بالكم
نصيحة وتحذير
المحامي مالوش دعوة بالإيصالات دي ولا يكتب حرف واحد في الايصال ده عشان ماتلبسش الكلابوش
