حصلت مشكلة لأحد الطلاب نتيجة تأخر القطار عن الموعد المحدد - المشكلة دى تمثلت فى حرمانه من دخول الإمتحان فى مادة من المواد - الولد أقام دعوى تعويض ضد هيئة السكك الحديدية، لأن الموضوع تسبب له فى ضرر معنوى "نفسى" وكمان مادى، ومحكمة أول درجة حكمتله بـ 100 ألف جنيه غرامة، قامت الهيئة مستأنفة لإلغاء الحكم أمام محكمة ثانى درجة، وبالفعل محكمة ثانى درجة ألغت الحكم مستندة على أن سبب التأخير كان عطل فى القطار.
الواد يسكت لأ أبدا.. قام طعن على الحكم أمام محكمة النقض، محكمة النقض ستفت الحكم وفندته بطريقة عبقرية قالت إيه بقى؟
قالت أن تعطل القطار ليس من القوة القاهرة اللى تدى لهيئة السكك الحديدية الحق فى تبرير موقفها، لأن الهيئة لازم تتابع وتراقب عملية تصليح القطارات ومدى جاهزيتها عشان مصالح الناس ممتعطلش، يعنى متبقاش مهمل فى شغلك وتقول أصل السبب التعطيل!!
مش كدا وبس محكمة النقض كمان اعتبرت "التذكرة" هى عملية تعاقدية بين الناقل والمنقول - يعنى زى ما أنت بتشترط أن المنقول يحضر فى ميعاده وإلا الوسيلة هتتحرك من مكانها فى ميعادها، كمان أنت كناقل متلزم أنك توصل المنقول فى ميعاده، ومبادئ تانية كتير.
#احكام_قضائية
