🤔إحذر أن تفقد البراءه🤔
✍️خطأ فادح قد يقع فيه العديد من الزملاء وهذا الخطأ من الممكن أن يكلفهم فقدان البراءه بعد الحصول عليها 🚷
📢لذلك وجب التنويه للاحتياط 📢
🤔ازاى الكلام ده🤔
💥انا اقولك💥
✍️عند تداول القضيه أمام المحكمه قد تحصل على حكم بالبراءة وهذا هو المطلوب طبعآ👇
لكن هناك خصم قابع خلف المكاتب المغلقه🧐
❇️اسمه النيابه العامه ❇️
✍️وفى الواقع هيا خصم شريف لمراقبة تطبيق القانون والنظام العام وده مش موضوعنا خالص
💥المهم💥
⚖️بعد ما بتاخد حكم بالبراءة وفى جو من السعاده يعيشه المحامى والمتهم فجاه كده وبدون سابق إنذار😱
😱النيابه تستأنف الحكم😱
وتحدد له جلسه لنظر الطعن بالاستئناف
😷وهنا بقا الكمين😷
😷 والخطأ القاتل😷
📌 اللى ممكن يكلفك فقدان البراءه ويحكم عليك بالإدانة🚫
📌طب ايه هو الخطأ ده🤔
📌انا اقولك🤌
✍️الخطأ ده هو حضور المحامى فى جلسة نظر طعن النيابه العامه على البراءه👎👎
📌طب ايه الغلط فى كده🤔
🧐بص يا سيدى الفاضل🧐
📌الجلسه اللى بتنظر الطعن ده الحكم فيها لا يخرج عن احتمالين✌️
👈الاول هو تأييد البراءه وبكده يبقا عدت بسلام الحمد لله🙏
👈التانى هنا وهو مكمن الخطر والخطأ
هو أن المحكمه تحكم بالادانه وتلغى حكم البراءه🚷
👈وبكده تبقا حضرتك فقدت سلاحين فى ايدك مهمين جدآ🚫
👈الاول لو حضرتك محضرتش جلسة نظر الطعن ضيعت على نفسك حق الرد وانك فى حالة الحكم غيابيا بالإدانة والغاء البراءه من حقك تسحب صورة رسميه من الحيثيات وترد عليها رد قانونى وتغتالها وتحصل على البراءه مجددآ
👈ثانيآ قانون الاجرائات الجنائيه اوجب صدور الحكم فى نظر طعن النيابه العامه على البراءه بإجمآع الآراء وده فى الغالب مش بيحصل وبيصدر الحكم خطأ بدون إجماع الآراء وهنا من حقك تطعن عليه وترجع قضيتك لحظيرتك وتنتزع البراءه مره تانيه وهنا يكمن الذكاء🧐
📌يعنى من الاخر لو عندك قضيه حكم فيها بالبراءه والنيابة استأنفت الحكم حضرتك سيبها غيابى علشان يبقا عندك اسلحه جديده تحارب بيها وتقتنص البراءه من جديد🌹
⚖️المستشار القانونى⚖️
محمد هلال
