الفرق بين
(الجنحة المباشرةومحضر الشرطة)
محضر الشرطة ده أن موكل جالك مكتبك ومعاه إيصال امانة وعايز يشتكى عشان ياخد حقه بتروح القسم وتعمل محضر وبعدين المحضر بيأخد رقم ويروح على النيابة والنيابة تحقق فى الواقعة وبعدين يحدد له جلسة
طيب والكلام ده فى خلال قد ايه ؟مش أقل من شهرين على حسب ضغط الشغل فى النيابة اللى عامل فيها المحضر ويجوز حضور المتهم أو محاميه كما يجوز حضور المجنى عليه او محاميه للمطالبة بتعويض المدنى المؤقت أو يصدر حكم غيابي في حاله عدم حضور المتهم
أما الجنحة المباشرة دى أن المحامى بيقوم بإقامة الجنحة دون اللجوء إلى القسم عشان كده سميت مباشرة يعنى بيكتب صحيفة الجنحة ويثبت فيها مبلغ التعويض المدنى المؤقت والنيابة بتحدد جلسة فى اسرع وقت ويعلن المتهم بالجلسة والدعوى المدنية دون تدخل من النيابة فى التحقيق أو العرض عليها ويقتصر فقط على مجرد إعلان النيابة مثل المتهم وبتكون الجلسة فى وقت أسرع من محضر الشرطة يعنى لو محضر الشرطة هيتحدد له جلسة فى حدود شهرين هيبقى فى الجنحة المباشرة فى خلال شهر مثلا
️طيب كده انت هتقول دى حاجة كويسة ماهى الجنحة المباشرة أسرع من محضر الشرطةهقولك ماهو مش كل الجرائم ينفع تترفع عن طريق الجنحة المباشرة وكمان لو المتهم لم يعلن بالجنحة المباشرة يبقى ساعتها مش حتعرف ترفعها وحتأخد إجراءات أطول من محضر الشرطة كمان بعكس محضر الشرطة انت كل الى بتحتاجه هو عنوان المتهم فى دائرة القسم اللى بتعمل فيه المحضر وبس يعنى مش محتاج تعلنه ولا حاجة ومش كده وبس أهم فرق بين محضر الشرطة والجنحة المباشرة انك لما بتعمل محضر الشرطة المتهم لازم يحضر بشخصه فى الاستئناف أو المعارضة الاستئنافية أما فى الجنحة المباشرةفحضور المتهم غير وجوبى فى الاستئناف ويكفى حضور محاميه فقط وفقاً لنص المادة 63 قانون الإجراءات الجنائية وطبعا فى ناس كتير حتخاف تحضر فى الاستئناف بشخصها وتقول طيب ما انا اتصالح احسن بخلاف الجنحه المباشره هتقول انا هخسر ايه خلى المحامى يحضر يمكن اخد براءة ولو اتحكم عليا أبقى اعمل تصالح قدام المحامى العام وده طبعا حيطول الفتره شوية المهم ده فرق بسيط بينهم علشان تعرف اى طريق هيكون أفضل كل حاجة ليها مميزات وعيوب
وكمان العبئ الجديد انك هتدفع رسوم على عريضة .الجنحة المباشرة في حين المحضر مش هيكلفك حاجة
