تكات وحركات شقق الاسكان الاجتماعى 🇪🇬
علشان تضمن ان الشقه في جيبك 👍👍
جهز كوباية الشاى او فنجان القهوة 🫖☕🍹🍵 وركز فى الكلمتين اللى جين دول معلش البوست طويل بس شامل صدقنى هتلاقى اجابة لاسئلة جواك
بس اوعى تنسى دعوة حلوة لاخوك
🔥🔥🔥🔥🔥🔥🔥👇👇👇
معلومة تهمك جدا
حضرتك بتسحب كراسة الشروط ب٣٠٠ ج ل ٥٠٠ ج كحد اقصى
وبعد كدة بتدفع للشقة ال٩٠ متر جدية الحجز من ٣٠ ل٣٥ الف
وبعد كدة بتجهز الأوراق وترفعيها على الموقع الإلكتروني
وبعد شهر بتظهر النتيجة
لو منطبق
هتبدأ تدفع اقساط ربع سنوية لمدة ٣٦ شهر
يعنى ٦ الف كل ٣ شهور لمدة ٣٦ شهر باجمالى ٧٢ الف جنية
بعد ال٣ سنوات بينزلك استعلام من الصندوق للتاكد من الاوراق اللى تم تقديمها وقت نزول الاعلان
او لتبليغة باى مستجدات مثل تغير الوظيفة او السكن او تغير الحالة الاجتماعية
مع تجهيز المستندات الدالة على ذلك
وبعد كدة بتتحول للبنك الممول لتمويل الشقة
بعد كدة البنك بيعمل عليك دراسة ائتمانيه
لتحديد المقدم والقسط الشهرى
ودول بيختلفو من شخص لآخر ومن بنك لاخر وبيتحسب على حسب السن والدخل الشهرى والوظيفة وفترة التمويل
🔥🔥🔥🔥🔥🔥🔥👇👇👇
💣💣تنبيه هام جدا 👇👇
💥في ناس بتشتري كراسه الشروط وبعد كده بترجع في قرارها وتقول لاء مش هتقدم وهتبيع الكراسة لأي حد وبسعر اقل
نصيحة اوعا تشتريها منه نهائي ولو ببلاش .
علشان الكراسات بتتسجل علي السيستم باسم ورقم البطاقة ورقم موبيل صاحبها
يعني لو اشترتها من حد خارج مكتب البريد اسمك مش هيكون متسجل علي السيستم وكده ربنا يعوض عليك🙋♂
💥بالنسبة لتقديم إيصال مرافق حديث
اي إيصال مرافق كهربا أو مياه او غاز لشهر قبل التقديم ينفع في التقديم وقبل كده لاء والاحسن والأفضل إيصال حديث
ومش شرط يكون الايصال باسم صاحب الطلب
المهم يكون بنفس عنوان السكن اللى مقدم بية.
💥لابد من تواجد صاحب الطلب وقت سحب كراسة الشروط من البريد (بالبطاقة الشخصية)
طب لو مش فاضى تعمل اية ؟؟
ممكن اى حد يروح يسحبلك كراسة الشروط بس لازم يكون معاة اصل البطاقة الشخصية 🙋♂
💥قبل ما تشتري كراسة الشروط لازم رقم الموبيل بتاعك اللى هتسجله في البريد
وفي كراسة الشروط وعلي الموقع الإلكتروني يكون بأسمك لانة الوسيلة الوحيدة للتواصل معك من قبل الاستعلام والبنك
علشان الرقم لو مش باسمك وضاع او اتوقف وحبيت تغيرة هتتسوح وهتتعطل مدة طويل لحد ميتم تغير الرقم على السيستم🙋♂
💥الاولوية للسكن والعمل في نفس المحافظه اللي هيقدم فيها.
💥 التقديم متاح لجميع الحالات الاجتماعية
متزوج متزوجه ....ويعول
متزوج متزوجة ....ولا يعول
مطلق مطلقة
ارمل ارملة
اعزب انسة
لذوى الاحتياجات الخاصة (ال5%)
🔥🔥🔥🔥🔥🔥🔥👇👇👇
معلومات هامه 🇪🇬
لابد من وضعها في الاعتبار عند نزول الاعلان الجديد سكن لكل المصريين اللي هيكون فى شهر نوفمبر القادم ان شاء الله
⏪ لازم تتأكد أن رقم التليفون اللي هتقدم بيه وتسجله علي الموقع مسجل باسمك ومايتمش تغييره لأن ده اللي هيجي عليه الرسائل ويتم التواصل معاك من المستعلم والصندوق والبنك وتدخل بيه علي موقع الصندوق.
⏪ الحالة الاجتماعية وقت التقديم هيا اللي بيتم من خلالها تحديد الأولويات في التعامل مع الملف يعني قدمت اعزب هتفضل تتعامل اعزب طول الوقت حتي لو اتجوزت وخلفت.
بس لازم وقت الاستعلام لو تم تغير الحالة الاجتماعية من اعزب لمتزوج او رزقت باولاد
او من متزوج لمطلق او اى شى اخر لابد من ابلاغ المستعلم واعطائة ما يفيد بذلك
⏪الراتب والحد الأقصى وقت نزول الاعلان لازم يكون مطابق ماينفعش يكون اقل أو اكتر حسب الحاله الاجتماعيه متزوج أو اعزب.
وخلى بالك فى ناس كتير تم استبعدها علشان جنية زيادة
يعنى لو قالك فى كراسة الشروط اقصى دخل للفرد او الاسرة (كذة) وحضرتك ازيد ب١٠ جنية. صدقنى هيتم استبعادك وقت مراجعة الاوراق فى مرحلة الاستعلام
⏪ماينفعش تسحب كراسة الشروط وانت خارج البلاد لأن لو بعد كده اطلب منك شهادة تحركات هيتم رفض الملف.
ولو انت داخل البلد بس مفيش وقت تروح تسحب الكراسة بنفسك
وهتبعت حد لازم يكون معاة اصل بطاقة الرقم القومى الخاصة بصاحب الطلب
⏪بيتم التعامل خلال ٣٦ شهر تقريبا حسب كراسة الشروط لكن في بعض الأحيان لو المدينة فيها وحدات بيتم التعامل قبل كده.
⏪ اي قروض لازم يتم غلقها قبل تحويل الملف الي الاستعلام وده بيكون بعد سداد الأقساط الربع سنويه علما بأن فيزا المشتريات وبرامج التقسيط تعامل معاملة القروض عند الدراسه الائتمانية.
وقبل مرحلة البنك لابد من سداد اى قرض وتجهيز مخالصة لتقديمها للبنك الممول.
وغلق فيزا المشتريات حتى ولم يتم تفعيلها .
⏪لو حضرتك غيرت الوظيفه تجيب إخلاء طرف من الشركه القديمه وتحتفظ بيه لأن لما بتقدم مفردات حديثه بيكون اسم الشركه اتغير بالتالي لازم يكون فيه إخلاء طرف.
كدة وصلنا لاهم مرحلة 👇👇👇👇
الملف بيمر بعدة مراحل ::::
١ - الاستعلام الميداني من الصندوق بعد مرور فترة الاقساط الربع سنويه.
٢- الاستعلام البنكي في المنزل والعمل من البنك.
٣- الدراسه الائتمانية (داخل البنك الممول) لمعرفة حالتك الائتمانية وقدرتك علي سداد الأقساط وده بيفرق حسب القطاع (خاص/عام / حر) والسن وفترة التمويل
٤ـ مرحلة التخصيص الوحده وده بعد موافقة البنك علي الدراسة الائتمانية وابلاغك للعرض وموافقتك عليه.
٥- عمل التوكيل بالوحده للبنك وتوقيع العقود
٦- استلام العقد وده في خلال من ٣ الي ٦ شهور.
٧- تقديم الملف للجهاز (صورة العقد وبطاقات الرقم القومي وقسيمة الزواج) بعد استلام العقد واستلام محاضر الاستلام.
٨- التعاقد علي المرافق و امضاء محضر الاستلام واستلام الوحده.
وبكدة اقدر اقولك الف مليون مبروك مفتاح شقتك فى جيبك
🔥🔥🔥🔥🔥🔥🔥👇👇👇
لو بعد التقديم ورفع المستندات
وظهرت النتيجة منطبق
بس يكون المستندات اللى تم تقديمها على الموقع مظبوطة 100% يبقا تطمن ليك شقة وهتستلمها على حسب ترتيب الاولوية .حتى لو اتاخرت بس هتبقا ضامن اولويتك.
👈لو وقت التقديم كنت شغال قطاع خاص ومرتبك فوق الحد الاقصى (للاعزب او المتزوج) وعملت ناصح وعملت شهادة دخل من محاسب قانونى علشان تظبط دخلك
للاسف هتتكشف وقت الاستعلام لان المستعلم هيطلب منك اثبات دخل حديث مثبت فية مدة عملك فى الوظيفة وطبعا هيطلع انك مزاول للمهنى قبل نزول الاعلان وهيطلب منك اثبات دخل بتاريخ التقديم وهيطلع اعلى من الحد الاقصى وقت التقديم
وطبعا هيبقا تضارب بيانات وهيتم استبعادك
وناس فى اعلانات سابقة تم استبعادها بسبب زيادة الدخل وقت التقديم ب١٠ جنية فقط
👈لو عندك ارباح او حوافز لابد من ذكرها فى اثبات الدخل.
👈كلمة صافى الدخل لا تكفى.
لابد ذكر الدخل الشهرى او السنوى + الارباح الشهرية او السنوية + الحوافز الشهرية او السنوية.
👈لو شغال فى محل او سوبر ماركت او اى مكان تجارى
الافضل اعمل اثبات دخل ومدير المكان يمضى ويختمهولك ختم المحل وختم السجل التجارى
بلاش من عند محاسب قانونى
لان الاعمال الحرة اللى بتحتاج شهادة دخل من محاسب قانونى
بتبقا اعمال حرة بدون مكان ثابت (اعمال حرفية)
👈مش شرط ايصال المرافق يبقا باسم المتقدم
المهم يكون نفس عقد الشقة اللى هيتم تقديمة
ولو كل الايصالات الكتورنية زى (ايصالات فورى) هتروح حضرتك تدفع فى مثلا شركة الكهرباء وتطلب ايصال مختوم مذكور فية عنوان السكن الحالى .
👈مش مسموح تقديم الزوج والزوجة غير مرة واحدة فقط لان الزوج والزوجة ذمة مالية واحدة وليهم استفادة مرة واحدة فقط من مشاريع الدولة .
👈مسموح للاخوات حتى لو ٥ اخوات انهم يقدمو فى اى اعلان لشقق الاسكان الاجتماعى حتى انهم ممكن يقدمو فى نفس الاعلان لان الاخوات ذمة مالية منفصلة
اهم شئ يكونو فوق ال٢١ سنة ويكون ليهم دخل ثابت.
👈طب لو طالب فوق ال٢١ سنة وعايز يقدم ومفيش وظيفة
يقدم ازاى ؟؟؟؟؟
هيعمل شهادة دخل من محاسب قانونى معتمد بوظيفة اعمال حرة
بس خد بالك لابد ذكر انك مزاول للمهنة اكتر من سنة على الاقل
وتكتب دخلك اقل من المذكور فى كراسة الشروط
مع اخذ صورة كارنية المحاسب وشهادة مزاولة مهنة للمحاسب وتكون سارية
👈سوال مهم
هو لو انا مرتبى زاد بعد التقديم هيتم استبعادى
اقدر اقولك لا طبعا
لان العبرة بالقبول والرفض بالنسبة للدخل وقت التقديم فقط
🔥🔥🔥🔥🔥🔥🔥👇👇👇
معلومة تهمك 🫲🇪🇬🫱
🔥لو عليك قرض او سيارة بالتقسط قدم عادى بس خلى بالك لابد من سداد القرض بالكامل قبل التحويل للبنك ومرحلة الدراسة الائتمانيه لاستكمال قرضك الجديد الخاص بالشقة الاسكان الاجتماعى بنظام التمويل العقارى.
🔥 بالنسـبة لـذوي الإعاقـة : سـيتم التخصيـص طبقـًا لعـدد الوحـدات المتاحـة، وسـيتم مراعـاة تخصيـص نسـبة 5% مـن الوحـدات المتاحـة لـذوي الإعاقـة بشـرط انطبـاق الشـروط عليهـم وتقديـم المسـتند الـدال علـى درجـة الإعاقـة مـن المجالـس الطبيـة المتخصصـة أو مـن اللجنـة الطبيـة العامـة الحكوميـة التابعـة لمحافظـة المواطـن
🔥لو زوج استفاد من شقق الاسكان ممكن الزوجة تقدم فى الاعلان الجديد
الاجابة بكل صراحة وشفافية لا لا لا لا.🚫🚫
لان الزوج استفاد من مشاريع الدولة لان الزوج والزوجة ذمة مالية واحدة.
🔥لو ابنك او بنتك طلبة وليس لديهم دخل شهرى سنهم فوق ال٢١ سنة ينفع يقدمو
طبعا ينفع .
هتعمل شهادة دخل من محاسب قانونى معتمد بوظيفة اعمال حرة (سباك ..نجار ..نقاش..كوافير..كوافيرة ...)
بس لابد ذكر انة مزاولة المهنة اكثر من سنة على الاقل 😃😃😃
🔥لو عندك شقة تمليك ينفع تقدم فى شقق الاسكان الاجتماعى لمحدودى او متوسط الدخل.
للاسف الاجابة لا لا لا. 🚫🚫
ومش هينفع اقولك اعمل عقد سورى بانك مستاجر لان دة مخالف للقانون ☺☺☺☺☺☺
🔥فـي حالـة سـبق الحجـز بإحـدى مشـروعات الإسـكان الاجتماعـي دون التخصيـص والاسـتفادة: يشـترط تقديـم مسـتند يفيـد سـحب مقـدم جديـة الحجـز بالإعـالان السـابق.
🔥 بالنسـبة لـذوي الإعاقـة : سـيتم التخصيـص طبقـًا لعـدد الوحـدات المتاحـة، وسـيتم مراعـاة تخصيـص نسـبة 5% مـن الوحـدات المتاحـة لـذوي الإعاقـة بشـرط انطبـاق الشـروط عليهـم وتقديـم المسـتند الـدال علـى درجـة الإعاقـة مـن المجالـس الطبيـة المتخصصـة أو مـن اللجنـة الطبيـة العامـة الحكوميـة التابعـة لمحافظـة المواطـن
